Համաձայն 2015թ. օգոստոսի 11-ի թիվ 11082015-11-0023 անշարժ գույքի նկատմամբ իրավունքների պետական գրանցման վկայականի՝ Դիլիջանի Մյասնիկյան փողոցի թիվ 26/1 հասցեում գտնվող արհեստանոցի նկատմամբ սեփականության իրավունքը պատկանում է Էդիկ Արամի Վարդանյանին: Վերջինս դիմել է Դիլիջանի համայնքի ղեկավարին՝ նշված արհեստանոցի զբաղեցրած հողամասը իրեն օտարելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ համաձայն 2015թ. օգոստոսի 11-ի թիվ 11082015-11-0023 անշարժ գույքի նկատմամբ իրավունքների պետական գրանցման վկայականի` նշված արհեստանոցի զբաղեցրած հողամասի չափը կազմում է 20.0քմ:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված 20.0քմ հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, գտնվում է Բնակավայրերի հողերի տարածագնահատման տասներորդ գոտում: Նշված հողամասի օտարումը չի սահմանափակում այլ անձանց իրավունքները:
Հանձնաժողովը առաջարկություն է ներկայացրել համայնքի ղեկավարին նշված արհեստանոցի զբաղեցրած 20.0քմ հողամասն ուղղակի վաճառքի ձևով օտարել քաղ. Էդիկ Վարդանյանին:
Ելնելով վերոգրյալից և հիմք ընդունելով Հայաստանի Հանրապետության Քաղաքացիական օրենսգրքի 209 հոդվածի 1-ին մասի, Հայաստանի Հանրապետության Հողային օրենսգրքի 64 հոդվածի 8-րդ մասի պահանջները, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Դիլիջան քաղաքի Մյասնիկյան փողոցի թիվ 26/1 հասցեի արհեստանոցի զբաղեցրած 20.0քմ հողամասն ուղղակի վաճառքի ձևով օտարել քաղաքացի Էդիկ Արամի Վարդանյանին (ծնվ. 12.08.1939թ.): Օտարվող հողամասի արժեքը կազմում է 24840 /քսանչորս հազար ութ հարյուր քառասուն/ դրամ:
2. Կնքել հողամասի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Էդիկ Վարդանյանին.
1) Դիլիջանի համայնքապետարանի 900405051104 հաշվարկային հաշվին մուծել հողի արժեքը` է 24840 /քսանչորս հազար ութ հարյուր քառասուն/դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: