Դիլիջանի համայնքի ղեկավարի 2020թ. հոկտեմբերի 27-ի թիվ 502-Ա որոշմամբ 2020թ. նոյեմբերի 27-ին կրկնաճուրդի էր ներկայացվել Դիլիջան համայնքի սեփականությունը հանդիսացող Բնակավայրերի հողերից 661.0քմ հողամաս /Լոտ-175(ՔՀ-10)/, Դիլիջան քաղաք, Տ. Պետրոսյան փողոց 2-րդ նրբ. թիվ 13 հասցեում բնակելի տան կառուցման նպատակով, 1652500 դրամ մեկնարկային գնով:
Կայացած աճուրդում 1900375 դրամ առավելագույն գնով հաղթեց Երևան քաղաքի Դավիթաշեն 1թ. 14շ. բն.21 հասցեի բնակիչ Արթուր Հարությունի Խաչատրյանը, որի մասին հողամասերն աճուրդային կարգով օտարող հանձնաժողովի կողմից կազմվեց թիվ 6 արձանագրությունը:
Նշված հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում:
Հիմք ընդունելով Հայաստանի Հանրապետության Հողային օրենսգրքի 67-րդ հոդվածի 1-ին մասի, 68-րդ հոդվածի 1-ին մասի պահանջները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`
1. Հաստատել Դիլիջան համայնքի հողամասերն աճուրդային կարգով օտարող հանձնաժողովի թիվ 6 արձանագրությունը և Դիլիջան համայնքի սեփականությունը հանդիսացող Բնակավայրերի հողերից Դիլիջան քաղաքի Տ. Պետրոսյան փողոց 2-րդ նրբ. թիվ 13 հասցեի 661.0քմ մակերեսով հողամասը բնակելի տան կառուցման նպատակով օտարել Երևան քաղաքի Դավիթաշեն 1թ. 14շ. բն.21 հասցեի բնակիչ Արթուր Հարությունի Խաչատրյանին:
2. Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Արթուր Խաչատրյանին.
1) Դիլիջանի համայնքապետարանի 900405051104 հաշվարկային հաշվին մուծել աճուրդի սակարկությունների արդյունքում ձևավորված առավելագույն գինը, այն է` 1900375 /մեկ միլիոն ինը հարյուր հազար երեք հարյուր յոթանասունհինգ/ դրամ, ընդ որում աճուրդի անցկացման օրը մուծված 82625 /ութսուներկու հազար վեց հարյուր քսանհինգ/ դրամ նախավճարը ներառվում է հողի օտարման գնի մեջ, վերջիններիս մուծման անդորրագրերը սույն որոշման անբաժանելի մասն են:
2) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: