Հարգելի բնակիչներ.
Սիրով հրավիրում ենք Դիլիջան բազմաբնակավայր համայնքի 2018թ. բյուջեի բաց և կառուցողական հանրային քննարկումներին` համայնքի հրատապ կարիքները վեր հանելու և համայնքի առաջնահերթ հիմնախնդիրները լուծելու նպատակով: Բյուջեի հանրային լսումները համայնքի բնակչության և ՏԻՄ-երի միջև համագործակցության մի ձև է, որը հնարավորություն է տալիս կառուցել ՏԻՄ-երի գործունեությունը` քաղաքացիների իրական կարիքներին համապատասխան:
Բյուջեով նախատեսված բոլոր աշխատանքներն ու ծրագրերը լիարժեք իրականացնելու համար համայնքին անհրաժեշտ է ֆինանսական ինքնուրույնություն և հետևողականություն: ՏԻՄ-երը ակնկալում են համայնքի ավագանու անդամների և բնակչության շահագրգիռ մոտեցմանն ու ակտիվ ներգրավվածությանը բյուջեի վերջնական տարբերակի մշակման, ինչպես նաև դրա ընդունման, կատարման և վերահսկման գործում: Մեր նպատակն է բարելավել ձեր կենսապայմանները: Մենք աշխատում ենք ձեզ համար:
Այսպիսով`.
Մտահոգվա՞ծ եք արդյոք մեր համայնքում հանրային ծառայությունների մատուցման մակարդակով և որակով:
Ունե՞ք արդյոք առաջարկություններ բյուջեի միջոցների օգտագործման ուղղությունների վերաբերյալ:
Եթե այո, ապա կոչ ենք անում մասնակցել Դիլիջան բազմաբնակավայր համայնքի բյուջեի նախագծի ՀԱՆՐԱՅԻՆ ՔՆՆԱՐԿՄԱՆԸ, որը տեղի կունենա երկուշաբթի՝, դեկտեմբերի 11-ին, ժամը 12:00-ին, Դիլիջանի համայնքապետարանում:
(հասցե` Մյասնիկյան 55) 2017թ.:
Մենք անպայման հաշվի կառնենք ձեր կարծիքներն ու առաջարկները:
Շնորհակալություն համագործակցության համար: