Զեկ. ԴԱՎԻԹ ՍԱՐԳՍՅԱՆ

Երևան քաղաքի բնակիչ Լևոն Մանուչարյանի (հասցեն՝ ՀՀ, ք․ Երևան, Նոր-Նորքի 9-րդ զ/ծ 1 շենք, բն․ 50, ՆՔ՝ 014327779) և Դիլիջանի համայնքապետարանի միջև 02.05.2024թ․ կնքված թիվ 01-020524 նվիրաբերության պայմանագրի համաձայն քաղ․ Լևոն Մանուչարյանը Դիլիջանի համայնքապետարանին է նվիրել  եգիպտացորենի վաճառքի համար նախատեսված  կահավորված ու տեխնիկապես զինված տնակներ (25 հատ)։ Դիլիջան համայնքի ղեկավարը առաջարկություն է ներկայացրել նշված գույքը ընդունել  որպես նվեր և ընդգրկել Դիլիջանի համայնքապետարանի հաշվեկշռում՝ ՀՀ օրենսդրությամբ սահմանված կարգով։

Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 1–ին մասի 42–րդ կետով՝ Դիլիջան համայնքի ավագանին որոշում է․

1. Տալ համաձայնություն եգիպտացորենի վաճառքի համար նախատեսված  կահավորված ու տեխնիկապես զինված տնակները (25 հատ)՝  Դիլիջանի համայնքապետարանին նվիրելու առաջարկությանը:

2. Սահմանված կարգով եգիպտացորենի վաճառքի համար նախատեսված  կահավորված ու տեխնիկապես զինված տնակները (25 հատ)  ընդգրկել Դիլիջանի համայնքապետարանի հաշվեկշռում:

3. Մինչև ս/թ. դեկտեմբերի 31-ը անհատույց օգտագործման իրավունքով տրամադրել վաճառք իրականացնող քաղաքացիներին։

4. Սույն որոշումն ուժի մեջ է մտնում հրապարակմանը հաջորդող օրվանից։