Դիլիջանի համայնքի ղեկավարին Է դիմել քաղ. Աշոտ Ասատուրի Սարգսյանը` Դիլիջան համայնքի Գոշ գյուղի Մ. Գոշի փողոց 12-րդ նրբ. թիվ 14 հասցեի 450.0քմ հողամասի և բնակելի տան օրինական սահմանները ճշտելու և գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված հողամասի մակերեսը և սահմանները երբևէ փոփոխությունների չեն ենթարկվել, իսկ հողամասի հատակագծի ուրվագծային չափերը ենթակա են ուղղման /փոփոխման/, քանի որ վերջինս չի համապատասխանում հողամասի իրական սահմաններին: Պետական որակավորում ունեցող անձի կողմից կատարված տեղազննման և չափագրման արդյունքում տեղի է ունեցել նշված 450.0քմ հողամասի սահմանների ճշտում, որի մակերեսը կազմել է 418.0քմ: Ըստ վերջինիս ներկայացրած հողամասի գլխավոր հատակագծի, ՀՀ օրենսդրությամբ սահմանված կարգով անհրաժեշտ է իրականացնել սահմանների ճշտում: Չափի փոփոխման հարցում սեփականատերը առարկություն չունի:
Ելնելով վերոգրյալից և ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Հաստատել Դիլիջան համայնքի Գոշ գյուղի Մ. Գոշի փողոց 12-րդ նրբ. թիվ 14 հասցեի քաղ. Աշոտ Ասատուրի Սարգսյանին, Անուշ Ժորայի Զաքարյանին և Աննա Աշոտի Սարգսյանին պատկանող բնակելի կառուցապատման 418.0քմ հողամասի ճշտված սահմաններով գլխավոր հատակագիծը /կցվում է հողամասի հատակագիծը/:
2. Պարտավորեցնել համասեփականատերերին.
1) Դիմել ՀՀ կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն վերագրանցելու նպատակով:
3. Սույն որոշումն ուժի մեջ է մտնում ստորագրման պահից: