Համաձայն անշարժ գույքի նկատմամբ սեփականության իրավունքի թիվ 424539 վկայականի՝ Դիլիջան համայնքի Թեղուտ գյուղի 11-029-005-010 կադաստրային ծածկագրով 0.048հա հողամասը հանդիսանում է քաղաքացի` Յուրիկ Սիմոնյանի սեփականությունը: Վերջինս դիմել է Դիլիջանի համայնքի ղեկավարին` նշված հողամասում ինքնակամ կառուցված բնակելի տունն օրինական ճանաչելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան համայնքի Թեղուտ գյուղի 11-029-005-010 կադաստրային ծածկագրով հողամասում առկա է ինքնակամ կառուցված 259.92քմ ընդհանուր արտաքին մակերեսով բնակելի տուն /կցվում է գլխավոր հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների: 
Հանձնաժողովը առաջարկություն է ներկայացրել  համայնքի ղեկավարին, վերոգրյալ 259.92քմ ընդհանուր արտաքին մակերեսով բնակելի տան օրինականացման վերաբերյալ: Վերջինիս օրինականացման համար օրենքով նախատեսված վճարի չափը կազմում է 314243 / երեք հարյուր տասնչորս հազար երկու հարյուր քառասուներեք/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1. Քաղաքացի Յուրիկ Գրիգորի Սիմոնյանի սեփականությունը հանդիսացող, Դիլիջան համայնքի Թեղուտ գյուղի 11-029-005-010 կադաստրային ծածկագրով 0.048հա հողամասում ինքնակամ կառուցված 259.92 քմ ընդհանուր արտաքին մակերեսով բնակելի տունը ճանաչել օրինական:
2. Դիլիջան համայնքի Թեղուտ գյուղում գտնվող 11-029-005-010 կադաստրային ծածկագրով 0.048հա տնամերձ հողամասին տրամադրել հասցե՝ Տավուշի մարզ, Դիլիջան համայնք, գյուղ Թեղուտ, 10-րդ փողոց թիվ 2:
3. Պարտավորեցնել քաղ. Յուրիկ Սիմոնյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված շինության օրինականացման համար գանձվող օրենքով սահմանված վճարը, այն է՝ 314243 / երեք հարյուր տասնչորս հազար երկու հարյուր քառասուներեք/ դրամ, վերջինիս վճարման անդորրագիրը սույն որոշման անբաժանելի մասն է: 
2) Դիմել ՀՀ կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու /վերագրանցելու/ նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2020թ. նոյեմբերի 16-ի թիվ 132-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: