Պետության կողմից նպատակային հատկացումների (սուբվենցիաների) շրջանակներում Դիլիջան համայնքի Գոշ բնակավայրում 2024 թվականին նախատեսվում է իրականացնել խմելու ջրագծերի հիմնանորոգման և ջրաչափերի տեղադրման աշխատանքներ: Համաձայն ՀՀ շրջակա միջավայրի վրա ազդեցության գնահատման և փորձաքննության մասին օրենքի այն պետք է ենթարկվի ՇՄԱԳ փորձաքննության։
Ղեկավարվելով «Տեղական ինքնակառավարման մասին օրենքի» 18-րդ հոդվածի 42-րդ կետով և «Շրջակա միջավայրի վրա ազդեցության գնահատման և փորձաքննության մասին օրենքի» 16-րդ հոդվածի 3-րդ մասով, Դիլիջան համայնքի ավագանին որոշում է՝
1․ Տալ համաձայնություն՝ Դիլիջան համայնքի Գոշ բնակավայրում խմելու ջրագծերի և ջրաչափերի տեղադրման աշխատանքների ՇՄԱԳ փորձաքննությանը և աշխատանքների իրականացմանը։
2. Սույն որոշումն ուժի մեջ է մտնում հրապարակմանը հաջորդող օրվանից։