Դիլիջանի համայնքի ղեկավարին է դիմել քաղ. Աղասի Միրզոյանը` Դիլիջան քաղաքի Առողջարանային փողոցի թիվ 12 հասցեի, իր սեփականությունը հանդիսացող 4616.4քմ ընդհանուր մակերեսով առողջարանի 1-ին հարկի գործառնական նշանակությունը որպես հասարակականի փոփոխելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված շինության՝ նշված մասի գործառնական նշանակության փոփոխությունը որպես հասարակականի չի պահանջում շինարարական աշխատանքների իրականացում:
Հանձնաժողովը առաջարկություն է ներկայացրել համայնքի ղեկավարին՝ Դիլիջան քաղաքի Առողջարանային փողոցի թիվ 12 հասցեի առողջարանի 1-ին հարկի գործառնական նշանակությունը որպես հասարակականի փոփոխելու վերաբերյալ:
Ելնելով վերոգրյալից և ղեկավարվելով Հայաստանի Հանրապետության կառավարության 2002թ. փետրվարի 2-ի թիվ 88 որոշման, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասին 24-րդ կետի դրույթներով՝
 

1. Քաղ. Աղասի Միրզոյանին պատկանող (անշարժ գույքի նկատմամբ սեփականության իրավունքի թիվ 2754414 վկայական), Դիլիջան քաղաքի Առողջարանային փողոցի թիվ 12 հասցեի առողջարանի 1-ին հարկի գործառնական նշանակությունը փոփոխել որպես հասարակականի:
2. Պարտավորեցնել քաղ. Աղասի Միրզոյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված փոփոխությունը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2020թ. նոյեմբերի 16-ի թիվ 132-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: