Համաձայն անշարժ գույքի նկատմամբ սեփականության իրավունքի թիվ 2051566 վկայականի՝ Դիլիջան քաղաքի Կալինինի փողոց թիվ 139 հասցեի 674.0քմ հողամասը հանդիսանում է քաղ. Կարինե Հայկազի Ավալյանի սեփականությունը: Վերջինս դիմել է Դիլիջանի համայնքի ղեկավարին՝ նշված հասցեում առկա բնակելի տան ինքնակամ ձևափոխությունները, կցակառույցները և օժանդակ շինությունները օրինական ճանաչելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան քաղաքի Կալինինի փողոցի թիվ 139 հասցեի բնակելի տանը առկա է ինքնակամ իրականացված 259.5քմ ընդհանուր արտաքին մակերեսով կցակառույցներ և ինքնակամ կառուցված 37.43քմ արտաքին մակերեսով օժանդակ շինություններ /շվաքարան և պարիսպներ/ (կառուցված մինչև 2015թ.) /կցվում է գլխավոր հատակագիծը/: Հանձնաժողովը նշում է, որ նշված ինքնակամ շինությունները համապատասխանում են Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չեն խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված են քաղաքաշինական նորմերի ու կանոնների առանց էական խախտումների, առկա է հաշվառման (չափագրման) տվյալների մուտքագրման տեղեկանքը՝ ծածկագիր 2022IR3ZZ1: Հանձնաժողովը առաջարկություն է ներկայացրել համայնքի ղեկավարին, վերոգրյալ 296.93քմ ընդհանուր արտաքին մակերեսով ինքնակամ կառույցներն օրինականացնելու վերաբերյալ: Վերջիններիս օրինականացման համար օրենքով նախատեսված վճարի չափը կազմում է 809135 /ութ հարյուր ինը հազար հարյուր երեսունհինգ/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Քաղ. Կարինե Ավալյանի (ծնված 07.11.1960թ.) սեփականությունը հանդիսացող՝ Դիլիջան քաղաքի Կալինինի փողոց թիվ 139 հասցեի բնակելի տան ինքնակամ ձևափոխությունները, կցակառույցները և օժանդակ շինությունները՝ 296.93քմ ընդհանուր արտաքին մակերեսով ճանաչել օրինական:
2. Պարտավորեցնել քաղ. Կարինե Ավալյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ բնակելի տան ինքնակամ ձևափոխությունների, կցակառույցների և օժանդակ շինությունների օրինականացման դիմաց գանձվող օրենքով սահմանված վճարը, այն է՝ 809135 /ութ հարյուր ինը հազար հարյուր երեսունհինգ/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու /վերագրանցելու/ նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2021թ. դեկտեմբերի 10-ի թիվ 24-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: