Համաձայն 2024թ. մարտի 28-ի ըստ օրենքի ժառանգության իրավունքի վկայագրի՝ Դիլիջան քաղաքի Լենինի անվան սովխոզի հողերից հատկացված /ներկայիս Այգեստան փողոցի 2-րդ նրբ. թիվ 31 հասցեի/ 800.0քմ հողամասը պատկանում է քաղ. Էմմա Հրանտի Քառյանին: Վերջինս դիմել է Դիլիջանի համայնքի ղեկավարին՝ նշված հողամասի փաստաթղթային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ Դիլիջանի Լենինի անվան սովխոզի հողի սեփականաշնորհման պետական ակտերի գրանցման թիվ 2 գրքի համաձայն քաղ. Էմմա Քառյանի հանգուցյալ ամուսնուն՝ Մարտուն Քառյանին սեփականաշնորհվել է 800.0քմ տնամերձ հողամաս:
Հանձնաժողովը նշում է, որ նշված 800.0քմ հողամասը երբևէ ետ չի վերցվել համայնքապետարանի տնօրինության տակ, մինչ օրս տիրապետվում է քաղ. Էմմա Քառյանի կողմից: Ըստ համայնքի գլխավոր հատակագծի՝ նշված հողամասը գտնվում է Բնակավայրերի հողերի բնակելի կառուցապատման հողերի կազմում:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման և 2005թ. դեկտեմբերի 29-ի թիվ 2387-Ն որոշման 50-րդ կետի, ինչպես նաև Հայաստանի Հանրապետության Հողային օրենսգրքի 64-րդ հոդվածի 16-րդ կետի պահանջներով`
1.Դիլիջան քաղաքի Լենինի անվան սովխոզի հողերից՝ քաղ. Մարտուն Քառյանին հատկացված 800.0քմ հողամասին տրամադրել հասցե՝ Տավուշի մարզ, Դիլիջան համայնք, քաղաք Դիլիջան, Այգեստան փողոց, 2-րդ նրբ. թիվ 31:
2.Վերականգնել Դիլիջան քաղաքի Այգեստան փողոց, 2-րդ նրբ. թիվ 31 հասցեի տնամերձ հողամասի /կցվում է հողամասի գլխավոր հատակագիծը/ փաստաթղթային հիմքերը` 800.0քմ մակերեսով, քաղ. Էմմա Հրանտի Քառյանին(ծնված 05.05.1960թ.) սեփականության իրավունքով:
3.Պարտավորեցնել քաղ. Էմմա Քառյանին.
1)Դիմել Հայաստանի Հանրապետության կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 5304-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: