Համաձայն 2022թ․ դեկտեմբերի 26-ի ըստ կտակի ժառանգության իրավունքի վկայագրի՝ Խաչարձան գյուղի 1-ին փողոց թիվ 21 հասցեի բնակելի տունը և տնամերձ հողամասը պատկանում է քաղաքացի Գալուստ Արամի Հարությունյանին: Վերջինիս լիազորված անձ Արշալույս Հարությունյանը դիմել է Դիլիջանի համայնքի ղեկավարին՝ նշված բնակելի տան և տնամերձ հողամասի փաստաթղթղային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված բնակելի տան տնամերձ հողամասի մակերեսի փաստացի չափը կազմել է 1996.7քմ: Վերջինս չի գտնվում Հայաստանի Հանրապետության Հողային օրենսգրքի 60 հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ:
Նշված տնամերձ հողամասում առկա բնակելի տան ձևափոխությունների և տնտեսական շինության շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջինիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղաքացի Գալուստ Արամի Հարությունյանը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման, Հայաստանի Հանրապետության կառավարության 2005թ․ դեկտեմբերի 29-ի թիվ 2387-Ն որոշման 50-րդ կետի, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Հաստատել Դիլիջան համայնքի Խաչարձան գյուղի 11-036-0014-0015 կադաստրային ծածկագրով հողամասի գլխավոր հատակագիծը՝ 1996.7քմ մակերեսով, քաղ. Գալուստ Արամի Հարությունյանի (ծնված 27.04.1977թ.) սեփականության իրավունքով /կցվում է հողամասի գլխավոր հատակագիծը/:
2. Դիլիջան համայնքի Խաչարձան գյուղի 11-036-0014-0015 կադաստրային ծածկագրով 1996.7քմ մակերեսով հողամասին և բնակելի տանը տրամադրել հասցե՝ Տավուշի մարզ, Դիլիջան համայնք, Խաչարձան գյուղ, 1-ին փողոց թիվ 21:
3․ Դիլիջան համայնքի Խաչարձան գյուղի 1-ին փողոց թիվ 21 հասցեի տնամերձ հողամասի կազմում առկա բնակելի տան ձևափոխությունների և տնտեսական շինության նկատմամբ ճանաչել քաղաքացի Գալուստ Արամի Հարությունյանի սեփականության իրավունքը:
4. Պարտավորեցնել քաղ. Գալուստ Հարությունյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2022թ. դեկտեմբերի 01-ի թիվ 234-Ն որոշման համաձայն կատարել համապատասխան վճարումները:
5. Սույն որոշումն ուժի մեջ է մտնում ստորագրման պահից: