Ղեկավարվելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 31-րդ հոդվածի 2-րդ և 4-րդ կետերով` Դիլիջան համայնքի 2022 թվականի բյուջետային գործընթացն սկսելու նպատակով`

1.     Հաստատել Դիլիջան  համայնքի 2022 թվականի բյուջեի նախագծի մշակման աշխատանքների իրականացման  ժամանակացույցը՝ համաձայն հավելվածի:

2.    Ընդունել ի գիտություն, որ.
1)Դիլիջան համայնքի 2022 թվականի բյուջետային ֆինանսավորման հայտերը ներառում են կապիտալ բնույթի ծախսերի մասով սահմանված կարգով փորձաքննություն անցած նախագծանախահաշվային փաստաթղթերը, իսկ ընթացիկ ծախսերի գծով՝ հաշվարկ հիմնավորումները:

2)Դիլիջան համայնքի 2022 թվականի բյուջետային ֆինանսավորման հայտերը կազմելիս պետք է հաշվի առնվեն Դիլիջան համայնքի զարգացման ծրագրերի հիմնական ուղղությունները:

3.    Հանձնարարել Դիլիջանի համայնքապետարանի աշխատակազմի առանձնացված և կառուցվածքային ստորաբաժանումների ղեկավարներին, վարչական ղեկավարներին և համայնքային ոչ առևտրային կազմակերպությունների ղեկավարներին․
1)2022 թվականի բյուջետային ֆինանսավորման հայտերը ներկայացնելիս հաշվի առնել համայնքի բնակիչներից, քաղաքացիական հասարակության և մասնավոր հատվածի սուբյեկտներից  ստացված առաջարկությունները,
2)ապահովել սույն որոշման հավելվածով հաստատված ժամանակացույցով նախատեսված աշխատանքների իրականացումը:

4.    Դիլիջանի համայնքապետարանի աշխատակազմի ֆինանսական բաժնի պետին՝ զեկուցել ժամանակացույցով նախատեսված աշխատանքների կատարման ընթացքի շեղումների վերաբերյալ։

5. Սույն որոշման կատարման կազմակերպումն ու պատասխանատվությունը դնել Դիլիջանի համայնքապետարանի աշխատակազմի կառուցվածքային և առանձնացված ստորաբաժանումների ղեկավարների վրա: