Համաձայն Հայաստանի Հանրապետության Տավուշի մարզի Դիլիջանի համայնքապետարանի և Հայաստանի Հանրապետության Տավուշի մարզպետի աշխատակազմի  միջև կնքված սուբվենցիայի հատկացման 01.02.2024թ․ թիվ 2 պայմանագրի, ՀՀ Տավուշի մարզի Դիլիջան համայնքին հատկացվել է 2832.5 հազար (երկու միլիոն ութ հարյուր երեսուներկու հազար հինգ հարյուր) ՀՀ դրամ գումար՝ Դիլիջան համայնքի երաժշտական և արվեստի դպրոցներում ազգային, փողային և լարային նվագարանների գծով տարեկան 13 աշակերտի համար ուսուցման ծախսերի փոխհատուցման նպատակով ։ Ելնելով վերոգրյալից անհրաժեշտ է նշված գումարը ճանաչել որպես եկամուտ և ճանաչել ծախս /Արտադպրոցական դաստիարակություն/ բյուջետային ծախսերի գործառնական դասակարգմամբ։

Ղեկավարվելով  «Տեղական ինքնակառավարման մասին» օրենքի  18-րդ  հոդվածի 1-ին մասի 5-րդ կետի և «Հայաստանի Հանրապետության բյուջետային համակարգի մասին» օրենքի 33 -րդ հոդվածի 4-րդ մասի պահանջներով, Դիլիջան համայնքի ավագանին որոշում է․ 

1. ՀՀ Տավուշի մարզի Դիլիջան համայնքին հատկացված  2832.5 հազար (երկու միլիոն ութ հարյուր երեսուներկու հազար հինգ հարյուր) ՀՀ դրամ գումարը ճանաչել որպես եկամուտ /պետական բյուջեից տրամադրվող նպատակային հատկացումներ՝ 900405051138 հաշվեհամարին/, 

2. ՀՀ Տավուշի մարզի Դիլիջան համայնքին հատկացված  2832.5 հազար (երկու միլիոն ութ հարյուր երեսուներկու հազար հինգ հարյուր) ՀՀ դրամ գումարը ճանաչել ծախս  Դիլիջան համայնք /Արտադպրոցական դաստիարակություն/ «09-05-01»  բյուջետային ծախսերի գործառնական դասակարգման նախահաշվին՝ հոդված 4511 /սուբսիդիաներ ոչ ֆինանսական պետական (համայնքային) կազմակերպություններին/։

3. Սույն որոշումն ուժի մեջ է մտնում հրապարակման պահից։