Հիմք ընդունելով Դիլիջան համայնքի բնակիչ Վարդուհի Մնացականի Գաբոյանի 25.03.2022թ դիմումը՝ Դիլիջանի համայնքապետարանի խնամակալության և հոգաբարձության հանձնաժողովը 2022 թվականի մայիսի 13-ին հրավիրել է նիստ. Վարդուհի Գաբոյանին՝ նրա չափահաս որդու՝ Սասուն Սպարտակի Հարությունյանի նկատմամբ խնամակալ նշանակելու հարցով։
Ուսումնասիրությունից պարզվել է, որ Հայաստանի Հանրապետության Տավուշի մարզի ընդհանուր իրավասության դատարանի 01.02.2022թ․(ՏԴ/3766/02/21) վճռով/ օրինական ուժի մեջ է մտել 02.03.2022թ/ Սասուն Հարությունյանը ճանաչվել է անգործունակ, որի շահերը և իրավունքները պաշտպանելու համար անհրաժեշտ է նշանակել խնամակալ։ Վարդուհի Գաբոյանը և Սասուն Հարությունյանը բնակվում են համատեղ, միևնույն հասցեում։ Վարդուհի Գաբոյանը ֆիզիկապես և հոգեպես առողջ է, բարոյական և անձնական այլ հատկանիշներով բնութագրվում է որպես դրական անձնավորություն։
Հաշվի առնելով ուսումնասիրության արդյունքները, ղեկավարվելով «Տեղական ինքնակառավարման մասին» օրենքի 36-րդ հոդվածի 2-րդ մասի,2-րդ կետի պահանջներով, ինչպես նաև Հայաստանի Հանրապետության քաղաքացիական օրենսգրքի 33-37–րդ հոդվածներով՝
Դիլիջան քաղաքի Կամոյի փող. 3-րդ նրբ. բնկ.14 հասցեի բնակիչ Վարդուհի Մնացականի Գաբոյանին նշանակել խնամակալ 24.11.1988թ. ծնված Սասուն Սպարտակի Հարությունյանի նկատմամբ։