Դիլիջան համայնքի ղեկավարին է դիմել քաղ. Սլավիկ Մարգարյանը՝ Դիլիջան քաղաքի Կալինինի փողոց թիվ 237/6 հասցեի՝ իր սեփականությունը հանդիսացող 54.8քմ հողամասում առկա ավտոտնակը հասարակական սպասարկման օբյեկտի վերակառուցման նախագծման թույլտվություն (ճարտարապետահատակագծային առաջադրանք) ստանալու խնդրանքով: Քաղաքացուն տրամադրված 11.06.2021թ. թիվ Ա1-42 նախագծման թույլտվության համաձայն՝ նախատեսվել է նշված 54.8քմ հողամասի գործառնական նշանակությունը փոխել որպես հասարակական նշանակության հող:
Ելնելով վերոգրյալից և ղեկավարվելով Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ հաստատված կարգի 25-րդ կետի, Հայաստանի Հանրապետության կառավարության 2011թ․ դեկտեմբերի 29-ի թիվ 1920-Ն որոշման 24-րդ կետի 3) ենթակետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով`
 

1. Քաղ. Սլավիկ Մարգարյանի սեփականությունը հանդիսացող՝ Դիլիջան քաղաքի Կալինինի փողոց թիվ 237/6 հասցեի 54.8քմ հողամասի գործառնական նշանակությունը փոխել որպես հասարակական կառուցապատման:
2. Պարտավորեցնել քաղաքացի Սլավիկ Մարգարյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված փոփոխությունը պետականորեն գրանցելու նպատակով:
3. Սույն որոշումն ուժի մեջ է մտնում ստորագրման պահից: