Զեկ. ԱՐՄԵՆ ՍԱՆԹՐՈՍՅԱՆ

Դիլիջանի համայնքի ավագանու 2017թ. հունվարի 19-ի թիվ 15-Ա և 16-Ա որոշումներով հաստատվել է Աղավնավանք գյուղի 500.0քմ և Խաչարձան գյուղի 500.0քմ հողամասերի նպատակային նշանակությունների փոփոխությունները՝ որպես էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի:
Դիլիջանի համայնքի ղեկավարի 2017թ. մարտի 1-ի թիվ 86-Ա որոշման համաձայն` համայնքի ավագանու քննարկմանն է ներկայացվել նշված հողամասերը որպես համայնքի կապի ծառայությունների հեռանկարային զարգացման տարածքներ առանձնացնելու, Հայաստանի Հանրապետության Հողային օրենսգրքի 60-րդ հոդվածով սահմանված՝ քաղաքացիներին և իրավաբանական անձանց սեփականության իրավունքով չփոխանցվող հողերի կազմում ընդգրկելու և մրցույթի միջոցով, կառուցապատման իրավունքով տրամադրելու մասին հարցը` կից աղյուսակում ներկայացված մրցութային լոտերով, պայմաններով և տարեկան վճարի մեկնարկային գներով:
Հիմք ընդունելով համայնքի ղեկավարի առաջարկությունը և ղեկավարվելով  Հայաստանի Հանրապետության հողային օրենսգրքի 76-րդ հոդվածի, <<Տեղական  ինքնակառավարման  մասին>> Հայաստանի  Հանրապետության  օրենքի  18-րդ  հոդվածի 1-ին մասին 21-րդ  կետի  դրույթներով՝ համայնքի ավագանին որոշում է.

1. Տալ համաձայնություն՝ Դիլիջան համայնքի սեփականությունը հանդիսացող <<էներգետիկայի, կապի, տրանսպորտի, կոմունալ ենթակառուցվածքների օբյեկտների հողերից>> 1000.0քմ ընդհանուր մակերեսով թվով 2 հողամասերը Հայաստանի Հանրապետության Հողային օրենսգրքի 60-րդ հոդված սահմանված հողերի ցանկում ընդգրկելու, ինչպես նաև մրցույթի միջոցով, կառուցապատման իրավունքով տրամադրելու մասին համայնքի ղեկավարի առաջարկությանը և հաստատել մեկնարկային գները` համաձայն կից աղյուսակի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: