ՀՀ կառավարության 2005 թվականի հուլիսի 21-ի <<Հայաստանի Հանրապետության Տավուշի մարզի Դիլիջանի քաղաքային համայնքի վարչական սահմանների նկարագիրը հաստատելու և Դիլիջանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին>> N 1767-Ն որոշմամբ՝ Դիլիջան քաղաքի վարչական սահմաններում գտնվող Պարզ լիճը՝ զբաղեցրած 2.18հա մակերեսով, ջրային նպատակային նշանակությամբ անհատույց սեփականության իրավունքով փոխանցվել է համայնքին։
Դիլիջանի համայնքի ղեկավարին է դիմել Տավուշի մարզպետը՝ տեղեկացնելով Շրջակա միջավայրի նախարարի առաջարկությունը այն մասին, որ հաշվի առնելով կադաստրի կոմիտեի դիրքորոշումը և այն հանգամանքը, որ Պարզ լիճը գտնվում է <<«Դիլիջան>>ազգային պարկ>> պետական ոչ առևտրային կազմակերպության սահմաններում՝ կատարել Պարզ լճի սահմանների ճշտում, նպատակային նշանակության փոփոխություն՝ որպես հատուկ պահպանվող տարածքների և համայնքի կողմից, որպես նվիրատվություն, փոխանցել Հայաստանի Հանրապետությանը:
Դիլիջանի համայնքի ղեկավարը համայնքի ավագանու նախնական քննարկմանն է ներկայացրել Դիլիջան համայնքի Դիլիջան քաղաքի վարչական սահմաններում գտնվող Պարզ լիճը 2.18հա զբաղեցրած մակերեսով Հայաստանի Հանրապետությանը, որպես նվիրատվություն, անհատույց սեփականության իրավունքով փոխանցելու վերաբերյալ ՀՀ Շրջակա միջավայրի նախարարի առաջարկությունը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.
1. Տալ նախնական համաձայնություն՝ Դիլիջան համայնքի Դիլիջան քաղաքի վարչական սահմաններում գտնվող Պարզ լիճը անհատույց սեփականության իրավունքով Հայաստանի Հանրապետությանը փոխանցելու վերաբերյալ առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |