Զեկ. ԱՐՄԵՆ ՍԱՆԹՐՈՍՅԱՆ

Ղեկավարվելով «Տեղական ինքնակառավարման մասին>> Հայաստանի Հանրապետության օրենքի 16-րդ հոդվածի 27-րդ մասով, «Քաղաքաշինության մասին>> Հայաստանի Հանրապետության օրենքի 143 հոդվածով, Հայաստանի Հանրապետության Հողային օրենսգրքի 7-րդ հոդվածով, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ և հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված միջգերատեսչական հանձնաժողովի դրական եզրակացությունն ու համայնքի ղեկավարի առաջարկությունը, համայնքի ավագանին որոշում է.

1. Հաստատել Հայաստանի Հանրապետության Տավուշի մարզի Դիլիջանի  համայնքի  գլխավոր հատակագծի փոփոխությունը` (այսուհետ` Գլխավոր հատակագիծ) համաձայն հավելվածի:
2. Հիմք ընդունելով «Քաղաքաշինության մասին>> Հայաստանի Հանրապետության օրենքի 143 հոդվածի 5-րդ մասը, սույն որոշման 1-ին կետով սահմանված, քաղ. Արթուր Գրիգորյանի սեփականությունը հանդիսացող Դիլիջանի համայնքի կադաստրային քարտեզի 11-003-0628-0033 ծածկագրով, 0.45հա մակերեսով հողամասը և 11-003-0628-0010 ծածկագրով, 0.54հա մակերեսով հողամասը, ըստ նպատակային նշանակության, դիտարկել որպես <<Հատուկ պահպանվող տարածքների հողեր>>, ըստ գործառնական նշանակության՝ հանգստի համար նախատեսված:
3. Հիմք ընդունելով Հայաստանի Հանրապետության Հողային օրենսգրքի 7-րդ հոդվածի 8 մասի 1) ենթակետը՝ պարտավորեցնել քաղ. Արթուր Գրիգորյանին եռամսյա ժամկետում համայնքային բյուջե /900405051104 հաշվարկային հաշվին/ մուծել հողամասերի կադաստրային արժեքների` նպատակային նշանակության փոփոխման պահին առկա տարբերությունը, այն է՝ 4906125 /չորս միլիոն ինը հարյուր վեց հազար հարյուր քսանհինգ/ դրամ և 5887350 /հինգ միլիոն ութ հարյուր ութսունյոթ հազար երեք հարյուր հիսուն/ դրամ:
4. «Քաղաքաշինության մասին>> Հայաստանի Հանրապետության օրենքի 143 հոդվածի 14-րդ և 30-րդ մասերով սահմանված կարգով հողամասի նպատակային նշանակության փոփոխությունը պետական գրանցում ստանալուց հետո ընդգրկել համայնքի հողային ֆոնդի տարեկան ընթացիկ հաշվառման տվյալներում, համայնքի հողային հաշվեկշռում, արտացոլել համայնքի ընթացիկ քաղաքաշինական քարտեզում:
5. Հայաստանի Հանրապետության օրենսդրությամբ սահմանված կարգով արտացոլել սույն որոշումից բխող դրույթների փոփոխությունները Հայաստանի Հանրապետության կառավարության 2006 թվականի հոկտեմբերի 30-ի N 1723-Ն որոշմամբ հաստատված գլխավոր հատակագծում:
6. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից: