Դիլիջանի համայնքի ղեկավարի 2016թ. օգոստոսի 24-ի թիվ 253-Ա որոշման համաձայն` համայնքի ավագանու քննարկմանն էր ներկայացվել Դիլիջան համայնքի սեփականությունը հանդիսացող <<Բնակավայրերի հողերից>> 387.0քմ ընդհանուր մակերեսով թվով 2 հողամասերը, <<Գյուղատնտեսական նշանակության հողերից>> 3124.0քմ ընդհանուր մակերեսով թվով 2 հողամասերը աճուրդի և <<Գյուղատնտեսական նշանակության հողերից>> 6287.0քմ ընդհանուր մակերեսով թվով 3 հողամասերը կրկնաճուրդի միջոցով օտարելու թույլտվություն տալու մասին հարցը` կից աղյուսակում ներկայացված աճուրդային լոտերով, մակերեսներով, պայմաններով և մեկնարկային գներով:
Ղեկավարվելով Հայաստանի Հանրապետության հողային օրենսգրքի 67-րդ հոդվածի, <<Տեղական ինքնակառավարման մասին>> Հայաստանի Հանրապետության օրենքի 16 հոդվածի 1-ին մասի 20-րդ կետի դրույթներով, հիմք ընդունելով համայնքի ղեկավարի առաջարկությունը` համայնքի ավագանին որոշում է. 1. Թույլատրել համայնքի ղեկավարին Դիլիջանի համայնքի սեփականությունը հանդիսացող <<Բնակավայրերի հողերից>> 387.0քմ ընդհանուր մակերեսով թվով 2 հողամասերը, <<Գյուղատնտեսական նշանակության հողերից>> 3124.0քմ ընդհանուր մակերեսով թվով 2 հողամասերը աճուրդի և <<Գյուղատնտեսական նշանակության հողերից>> 6287.0քմ ընդհանուր մակերեսով թվով 3 հողամասերը կրկնաճուրդի միջոցով օտարել և հաստատել մեկնարկային գները` համաձայն կից աղյուսակի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: |