Դիլիջան քաղաքի Կալինինի փողոցի թիվ 137 հասցեի թիվ 2 հիմնական դպրոցի և վերջինիս սպասարկման հողամասի նկատմամբ Հայաստանի Հանրապետության սեփականության իրավունքը պետականորեն վերագրանցելու գործընթացում՝ անհրաժեշտություն է առաջացել օրինականացնել դպրոցի շենքին կից և օժանդակ կառուցված, կից հատակագծում նշված թիվ 7 կաթսայատունը, կցակառուցված թիվ 8 թեքահարթակը, թիվ 9 աստիճանը, թիվ 10 աստիճանը և թիվ 11, թիվ 12, թիվ 13 պարիսպները: Անհրաժեշտություն է առաջացել նաև փոփոխության ենթարկել դպրոցի սպասարկման հողամասի հատակագիծը՝ վերջինս համապատասխանեցնելով ներկայիս փաստացի չափագրությամբ արձանագրված հողամասի մակերեսին, այն է՝ 7164.8քմ: Վերը թվարկած շինությունները որակվում են որպես ինքնակամ շինություններ: Դիլիջանի համայնքի ղեկավարը համայնքի ավագանու քննարկմանն է ներկյացրել՝ նշված շինությունները անվճար օրինականացնելու, ինչպես նաև սպասարկման հողամասի փոփոխված հատակագիծը հաստատելու հարցը: Ելնելով վերոգրյալից և ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 42-րդ կետի պահանջներով՝ համայնքի ավագանին որոշում է. 1. Տալ համաձայնություն՝ Դիլիջանի համայնքի ղեկավարի հետևյալ առաջարկություններին. 1) Անվճար օրինականացնել, Տավուշի մարզի Դիլիջան համայնքի Դիլիջան քաղաքի Կալինինի փողոցի թիվ 137 հասցեի թիվ 2 հիմնական դպրոցի շենքին կից և օժանդակ կառուցված, կից հատակագծում նշված թիվ 7 կաթսայատունը՝ 34.68քմ, կցակառուցված թիվ 8 թեքահարթակը՝ 14.35քմ, թիվ 9 աստիճանը՝ 3.42քմ, թիվ 10 աստիճանը՝ 3.8քմ և թիվ 11՝ 6.76քմ, թիվ 12՝ 8.17քմ, թիվ 13՝ 20.23քմ մակերեսներով պարիսպները: 2) Հաստատել Տավուշի մարզի Դիլիջան համայնքի Դիլիջան քաղաքի Կալինինի փողոցի թիվ 137 հասցեի թիվ 2 հիմնական դպրոցի սպասարկման հողամասի փոփոխված հատակագիծը՝ վերջինս համապատասխանեցնելով ներկայիս փաստացի չափագրությամբ արձանագրված հողամասի մակերեսին, այն է՝ 7164.8քմ: 2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |