Զեկ. ԴԱՎԻԹ ՍԱՐԳՍՅԱՆ

Դիլիջանի համայնքապետարանի կողմից սուբվենցիոն ծրագրերի շրջանակներում ձեռք է բերվել նոր 1 հատ աղբատար մեքենա, որի շահագործման համար, ինչպես նաև վերջին շրջանում դիզելային վառելիքի կտրուկ թանկացման հետևանքով անհրաժեշտություն է առաջացել ձեռք բերել լրացուցիչ դիզելային վառելիք։

Ելնելով վերոգրյալից և ղեկավարվելով  «Տեղական ինքնակառավարման մասին» օրենքի  18-րդ  հոդվածի 1-ին մասի 5-րդ կետի և «Հայաստանի Հանրապետության բյուջետային համակարգի մասին» օրենքի 33 -րդ հոդվածի 4-րդ մասի պահանջներով՝ Դիլիջան համայնքի ավագանին որոշում է․ 

1. «08-02-04» Դիլիջան համայնք  (Այլ մշակույթային կազմակերպություններ) բյուջետային ծախսերի գործառնական դասակարգման 4239 /ընդհանուր բնույթի այլ ծառայություններ/ տնտեսագիտական հոդվածից նվազեցնել 5 000 000 /հինգ միլիոն/ ՀՀ դրամ։

2. «05-01-01» Դիլիջան համայնք (Աղբահանում) բյուջետային ծախսերի գործառնական դասակարգման  4511 /սուբսիդիաներ ոչ ֆինանսական պետական (համայնքային) կազմակերպություններին/ տնտեսագիտական հոդվածին ավելացնել 5 000 000 /հինգ միլիոն/ ՀՀ դրամ։

3. Սույն որոշումն ուժի մեջ է մտնում հրապարակման պահից։