Դիլիջանի համայնքի ղեկավարին է դիմել Հայաստանի Հանրապետության կառավարությանն առընթեր պետական եկամուտների կոմիտեի աշխատակազմի ղեկավար Գ.Պետրոսյանը՝ ՀՀ ԿԱ պետական եկամուտների կոմիտեի /նախկինում ՀՀ Ֆինանսների նախարարության/ Դիլիջանի Պարզ լճի փողոց թիվ 5 հասցեի Դիլիջանի ուսումնական կենտրոնի վերակառուցման փուլում գտնվող շենք-շինությունների սպասարկման նպատակով, Պարզ լճի փողոցի թիվ 26/2 հասցեի 1054.5քմ մակերեսով հողամասն ուղղակի վաճառքի ձևով Հայաստանի Հանրապետության կառավարությանն առընթեր պետական եկամուտների կոմիտեին օտարելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջանի Պարզ լճի փողոցի թիվ 26/2 հասցեի 1054.5քմ հողամասն ուղղակի վաճառքի ձևով 1309689 /մեկ միլիոն երեք հարյուր ինը հազար վեց հարյուր ութսունինը/ դրամ արժեքով օտարել Հայաստանի Հանրապետության կառավարությանն առընթեր պետական եկամուտների կոմիտեին:
Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 16-րդ հոդվածի 1-ին մասի 20-րդ կետի պահանջներով` համայնքի ավագանին որոշում է. Տալ համաձայնություն Դիլիջանի Պարզ լճի փողոցի թիվ 26/2 հասցեի 1054.5քմ հողամասն ուղղակի վաճառքի ձևով 1309689 /մեկ միլիոն երեք հարյուր ինը հազար վեց հարյուր ութսունինը/ դրամ արժեքով, Հայաստանի Հանրապետության կառավարությանն առընթեր պետական եկամուտների կոմիտեին օտարելու մասին համայնքի ղեկավարի առաջարկությանը: |