Դիլիջանի համայնքի ղեկավարին է դիմել <<Մոդուլար Կոնստրակշն>> ՍՊԸ-ն, ի դեմս տնօրեն՝ Մ.Բեգլարյանցի, տեղեկացնելով Դիլիջան քաղաքի Շահումյան փողոցի թիվ 17գ հասցեում նախատեսվող ներդրումային ծրագրի, ծրագրի շրջանակներում նախատեսվող կառույցների 17.41մ բարձրության և այն փոփոխելու դեպքում ծրագրի ոչ նպատակահարմար լինելու մասին:
Դիլիջանի համայնքապետարանի քաղաքաշինության  և հողօգտագործման հարցերի հանձնաժողովը նշում է, որ Հայաստանի Հանրապետության կառավարության 2006թ. նոյեմբերի 30-ի թիվ 1723-Ն որոշմամբ հաստատված Դիլիջանի քաղաքային բնակավայրի գլխավոր հատակագծին կից գոտևորման հատակագծով թույլատրելի առավելագույն բարձրությունը սահմանված է 12մ:
Վերոգրյալի վերաբերյալ առկա է ՀՀ քաղաքաշինության կոմիտեի և Տավուշի մարզպետարանի դիրքորոշումը, այն է՝ հարցը քննարկել համայնքի ավագանու նիստում և ղեկավարվել համայնքի ավագանու որոշմամբ հաստատված թույլատրելի բարձրությամբ:
Հիմք ընդունելով Հայաստանի Հանրապետության Տավուշի մարզպետի 2020թ. հունվարի 24-ի թիվ 01//00433-2020 գրությունը և ղեկավարվելով <<Տեղական ինքնակառավարման մասին>>  օրենքի 18-րդ հոդվածի 1-ին մասի 29-րդ կետի պահանջներով՝ համայնքի ավագանին որոշում է.
 

1. Դիլիջան քաղաքի Շահումյան փողոցի թիվ 17գ հասցեում նախատեսվող բնակելի համալիրի թույլատրելի առավելագույն բարձրությունը հաստատել ներկայացված էսքիզով նախատեսվող բարձրությունը, այն է՝ <<17.41մ>>:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից: