Դիլիջան համայնքի վարչական տարածքում գտնվող`  պետական սեփականություն համարվող անշարժ գույքի մասնավորեցումից Դիլիջան  համայնքի ֆոնդային բյուջե  է վճարվել  3466000 դրամ:
Համաձայն  Հայաստանի Հանրապետության կառավարության 2006թ.հուլիսի 27-ի թիվ 1098-Ն որոշման հավելվածի 5-րդ կետի Դիլիջան քաղաքային համայնքի  ղեկավարը նշված ֆինանսական միջոցի օգտագործման վերաբերյալ ավագանու քննարկմանն է ներկայացրել կապիտալ ծախսերի երկու ծրագիր` «Դիլիջան համայնքի Շահումյան փողոցի թիվ 2 շենքի տանիքի նորոգում» և « Դիլիջան համայնքի Շահումյան փողոցի թիվ 4  շենքի տանիքի նորոգում»:
Ելնելով վերոգրյալից՝ համայնքի ավագանին որոշում է:

Տալ համաձայնություն համայնքի ղեկավարի առաջարկությանը, Դիլիջան համայնքի  2016թ.  Բյուջեի ֆոնդային մասի այլ հիմնական միջոցների իրացումից  եկամուտներն  ավելացնել  3466000 դրամով և ուղղել  «Բնակարանային շինարարություն»/բաժին 06, խումբ 01 դաս 01, հոդված 5113/, «Դիլիջան համայնքի Շահումյան փողոցի թիվ 2 շենքի տանիքի նորոգում»  ծրագրի իրականացմանը, որի ընդհանուր արժեքը  կազմում է 11821830 դրամ: