|
23.03.23
Վթարային ջրանջատում Դիլիջանում մարտի 24-ին
|
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. մարտի 24-ին ժամը 09:30-20:00 կդադարեցվի Տավուշի մարզի Դիլիջան քաղաքի՝ Մյասնիկյան, Կամո, Մ.Գորկի, Զ.Անդրանիկ, Արցախ, Մաթաշյան, Աղայան, Հակոբջանյան, Հովսեփյան, Գայ և Առաջին փողոցների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: |
|
|
22.03.23
Համայնքային բարեկարգման աշխատանքներ
|
|
Վերսկսվել են նախորդ տարի Գոշ բնակավայրում մեկնարկած ասֆալտապատման աշխատանքները:
Ամբողջությամբ վերակառուցվում է դեպի Գոշավանք տանող հանրապետական նշանակության՝ ընդհանուր 4 կմ երկարությամբ ճանապարհը: 2022 թվականին եղանակային պայմանների պատճառով աշխատանքները դադարեցվել էին, և այժմ վերսկսվել են: Ճանապարհն ամբողջությամբ ասֆալտապատվում է պետական միջոցներով:
|
|
|
22.03.23
Համայնքային բարեկարգման աշխատանքներ
|
|
«Դիլիջան համայնքի կոմունալ սպասարկում» ՀՈԱԿ-ի աշխատակիցները համայնքում վերսկսել են գարնանային մաքրման աշխատանքները:
Սայաթ Նովա փողոցի հարակից տարածքը մաքրվում է ավելորդ հողածածկույթից:
|
|
|
22.03.23
Հանրային քննարկման իրազեկում
|
|
«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով (21.06.2014թ. Հ0-110-Ն), ինչպես նաև ՀՀ կառավարության 19.11.2014թ. N 1325-Ն որոշման համաձայն՝ մարտի 29-ին՝ ժամը 12:00-ին, Դիլիջանի համայնքապետարանում տեղի կունենա Դիլիջան քաղաքի Մոլդովական փողոց 7/2 հասցեում բնակելի համալիրի կառուցման՝ շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում (առաջին փուլ):
Հետաքրքրված բնակիչներին հրավիրում ենք մասնակցելու քննարկմանը:
|
|
|
22.03.23
Համայնքային բարեկարգման աշխատանքներ
|
|
Հովք գյուղական բնակավայրում վարչական ղեկավարի նախաձեռնությամբ առաջին փողոցում գտնվող հին սելավատարի երկաթե ծածկը թարմացվել է. հին, ջարդված ու ավելորդ երկաթները փոխարինվել են նորով, վերանորոգվել ու մաքրվել է նաև սելավատարը:
|
|
|
21.03.23
Հանդիպում «SIGMA» ծրագրի ներկայացուցիչների հետ
|
|
Այսօր Դիլիջանի համայնքապետարանում տեղի ունեցավ հանդիպում «Կայուն ներառական աճ լեռնային Հայաստանում» (SIGMA) ծրագրի ներկայացուցիչների հետ: Հանդիպմանը ներկա էին Դիլիջան համայնքի ղեկավարի առաջին տեղակալ Արման Բազինյանը, Տավուշի մարզպետարանի զարգացման ծրագրերի, զբոսաշրջության և վերլուծության բաժնի վարիչ Գուրգեն Հարությունյանը, Դիլիջանի համայնքապետարանի գյուղատնտեսության ոլորտի պատասխանատու Հայկ Մնացականյանը, Գոշ, Խաչարձան, Թեղուտ և Հովք բնակավայրերի վարչական ղեկավարները:«Կայուն ներառական աճ լեռնային Հայաստանում» (SIGMA) ծրագրի ղեկավար Կարեն Գևորգյանը նշեց, որ ծրագիրն ուղղված է Շիրակի, Լոռու, Տավուշի և Գեղարքունիքի մարզերում գյուղատնտեսության, ագրովերամշակման և զբոսաշրջության ...
Մանրամասն |
|
|
21.03.23
Նախազգուշացում տնտեսվարողներին
|
|
Հարգելի՛ տնտեսվարողներ,
Զգուշացնում ենք, որ ըստ «Վարչական իրավախախտումների մասին» ՀՀ օրենսգրքի 43-րդ Հոդվածի` Չսահմանված և չնախատեսված տեղերում ու վայրերում՝ աղբամուղերից, աղբահավաք խցերից, աղբարկղերից, աղբամաններից, աղբահավաք մեքենաներից, ինչպես նաև սահմանված կարգով կազմակերպված և նախատեսված աղբավայրերից դուրս աղբ թափելը առաջացնում է տուգանքի նշանակում ֆիզիկական անձանց նկատմամբ՝ սահմանված նվազագույն աշխատավարձի քսանապատիկից մինչև երեսնապատիկի չափով, պաշտոնատար անձանց նկատմամբ՝ քառասնապատիկից մինչև հարյուրապատիկի չափով: Մի՛ աղտոտեք միջավայրը, որտեղ ինքներդ եք ապրում:
|
|
|
20.03.23
Հանրային քննարկման իրազեկում
|
|
«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով (21.06.2014թ. Հ0-110-Ն), ինչպես նաև ՀՀ կառավարության 19.11.2014թ. N 1325-Ն որոշման համաձայն՝ մարտի 27-ին՝ ժամը 11:00-ին, Դիլիջանի համայնքապետարանում տեղի կունենա «Դիլի տրոպիկ» ՍՊԸ–ի կողմից Դիլիջան քաղաքի Արցախի փողոց 14 հասցեում բազմաֆունկցիոնալ համալիրի կառուցման շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում (առաջին փուլ):
Հետաքրքրված բնակիչներին հրավիրում ենք մասնակցելու քննարկմանը:
|
|
| 1 2 3 4 5 6 7 8 9 10 ... |