|
12.05.21
Հանրային քննարկում
|
|
Հարգելի համաքաղաքացիներ. Տեղեկացնում ենք, որ համավարակի հետևանքները տնտեսական զարգացման միջոցառումներով հաղթահարելու, ինչպես նաև հանրային և մասնավոր հատվածների համագործակցությունը գործնական հիմքերի վրա դնելու նպատակով՝ Շվեյցարիայի համագործակցության և զարգացման գործակալության և Գերմանիայի Դաշնության տնտեսական զարգացման նախարարության ֆինանսավորմամբ հիմնվել է դրամաշնորհային հիմնադրամ:Հիմնադրամի համակարգողների՝ Գերմանիայի միջազգային համագործակցության ընկերության (GIZ) և ՀՀ տարածքային կառավարման և ենթակառուցվածքների նախարարության (ՏԿԵՆ) կողմից հայտարարվել է համավարակի (COVID 19-ի) հետևանքները մեղմելուն ուղղված դրամաշնորհային ծրագրերի մրցույթ ՀՀ խոշորացված համայնքների ...
Մանրամասն |
|
|
10.05.21
<<Միասին>> համայնքային նախաձենություն
|
|
Մայիսի 9-ին Դիլիջան քաղաքում անց կացվեց #ՄԻԱՍԻՆ համայնքային նախաձեռնությունը, որի շրջանակներում տեղի ունեցավ ծառատունկ, մաքրման աշխատանքներ, աղբամանների ներկում և այլ հետաքրքիր ու ժամանցային միջոցառումներ:
Միջոցառումը կազմակերպել էր Դիլիջանի համայնքային կենտրոնը՝ «Էկոպոլիս» հասարակական կազմակերպության և Դիլիջանի համայնքապետարանի հետ համագործակցությամբ։
Բացի այն, որ այս նախաձեռնությունը հանրօգուտ էր այն նաև մրցույթային բնույթ ուներ:
Մրցույթին մասնակցել են Դիլիջան համայնքի կրթական հաստատությունների մեծ մասը: Ժյուրիի անաչառ որոշմամբ հաղթող է ճանաչվել Դիլիջանի թիվ 4 հիմնական դպրոցը: Մրցանակն էր 200 ԱՄՆ դոլլար, որը նախատեսված է օգտագործել դպրոցում մարզական գույք ձեռք բերելու համար:
|
|
|
09.05.21
Հաղթանակի օր
|
|
Հարգելի համաքաղաքացիներ,
ջերմորեն շնորհավորում ենք Հաղթանակի օրվա առթիվ։
Ինչպես այդ ժամանակ, այնպես էլ մեր նորօրյա պատմության ընթացքում հայ ժողովուրդն ազնվորեն պաշտպանում էր իր տունն ու հայրենիքը, խաղաղ ու ստեղծարար աշխատանքով ապրելու և արարելու իր իրավունքը: Մայիսյան հաղթանակների այդ հերոսական էջերում ամփոփված են մեր ժողովրդի ազատատենչ և անկոտրում ոգու արտահայտության բազմաթիվ դրվագներ:
Հաղթանակի մեջ իրենց ներդրումն են ունեցել նաև մեր համաքաղաքացիները, ովքեր անձնվիրաբար դիմակայել են և կերտել իրական հերոսի կերպարը։
Հավերժ փառք և խոնարհում` հայրենիքի փրկության համար իրենց կյանքը զոհաբերած նվիրյալների հիշատակին։
|
|
|
07.05.21
Ուշադրությո՛ւն
|
|
Գործարկվել է տեղական հարկերի վճարման համակարգը https://pay.e-community.am, որը հնարավորություն է տալիս հարկատուներին կատարել անշարժ գույքի և փոխադրամիջոցի գույքահարկի վճարումը առցանց եղանակով:
|
|
|
07.05.21
Հայտարարություն
|
|
Դիլիջան համայնքում կա՞ն մարդիկ, ովքեր պատրաստակամ են Արցախյան երկրորդ պատերազմի ընթացքում տեղահանված մեր հայրենակիցներին հյուրընկալելու իրենց տանը: Տեղեկացնում ենք, որ պետությունը չի փոխհատուցելու շահառուներին: Ցանկացողներին խնդրում ենք դիմել Դիլիջանի համայնքապետարան, կամ զանգահարել հետևյալ հեռախոսահամարով՝ 093 27 13 70:
|
|
|
06.05.21
«Գործընկերություն ընդդեմ գյուղական կանաչ տարածքների աղտոտման» ծրագրի շրջանակներում իրականացվեց մի շարք միջոցառումներ
|
|
ԵՄ–ի կողմից ֆինանսավորվող BSB 1138 «Գործընկերություն ընդդեմ գյուղական կանաչ տարածքների աղտոտման» ծրագրի շրջանակներում Կովկասի տարածաշրջանային բնապահպանական կենտրոնը վերջերս իրականացրեց թափոնների կառավարմանն ուղղված հանդիպում/դասընթաց: Ծրագրի շրջանակներում իրականացվեց մի շարք միջոցառումներ. ձեռք բերվեցին մամլիչ, շշերի և թղթերի հավաքագրման արկղեր: Կոչ ենք անում առանձնացնել պլաստմասե շշերն աղբից և լցնել համապատասխան արկղերի մեջ: Արկղերը տեղադրված են հետևյալ հասցեներում՝ Մյասնիկյան փ.(համայնքապետարանին կից, ACBA բանկի մոտակայքում), Շահումյան փ., Կալինինի փ., ինչպես նաև, Գոշ և Աղավնավանք գյուղական բնակավայրերում:
|
|
|
05.05.21
Քաղաքացիների ընդունելություն Դիլիջան համայնքում
|
Տավուշի մարզպետ Հայկ Ղալումյանը Դիլիջանի համայնքապետարանում կատարել է քաղաքացիների ընդունելություն: Ընդունելությանը մասնակցել է 12 քաղաքացի՝ Դիլիջանից և հարակից գյուղերից: Քաղաքացիները ներկայացրել են տարբեր խնդիրներ՝ սոցիալական, աշխատանքի տեղավորման, առողջական և քաղաքաշինական բնույթի: Բոլոր խնդիրներն արձանագրվել են, իսկ դիմումներին ընթացք տալու համար մարզպետը հստակ հանձնարարականներ է տվել: |
|
|
03.05.21
«Արցախյան պատերազմի արդյունքում տեղահանված երիտասարդների ինտեգրման խթանում Դիլիջան համայնքում»
|
|
Ապրիլի 30-ին տեղի ունեցավ «Արցախյան պատերազմի արդյունքում տեղահանված երիտասարդների ինտեգրման խթանում Դիլիջան համայնքում» ծրագրի փակման արարողությունը: Ծրագիրն իրականացվում էր Տեղական ժողովրդավարության դպրոցի շրջանակներում, Դիլիջանի երիտասարդների համագործակցության կենտրոն ՀԿ–ի մարզային գործընկերությամբ: Ծրագրի նպատակն էր նպաստել արցախյան պատերազմի արդյունքում տեղահանված երիտասարդների համանյքային ինտեգրմանը, ակտիվ երիտասարդական կապերի ստեղծմանը, մասնակցությանը համայնքային կյանքին: Համայնքի ղեկավարի պաշտոնակատար Դավիթ Սարգսյանը պատրաստակամություն հայտնեց օժանդակելու նմանատիպ ծրագրերի իրականացմանը:
|
|
| 1 2 3 4 5 6 7 8 9 10 ... |