Հարգելի բնակիչներ.
Հայաստանի Հանրապետությունում սակավաջրության և շոգ եղանակի հետևանքով առաջացած անասնակերի պակասի անհրաժեշտությունից ելնելով ՀՀ էկոնոմիկայի նախարարության կողմից տավարաբուծությամբ զբաղվող տնտեսավարողներին նախատեսվում է ցուցաբերել աջակցություն՝ իրականացնել խտացրած կերի գնի շուրջ 30% սուբսիդավորում (մատակարարների միջոցով վաճառքը կազմակերպելու եղանակով): Միջոցառումը հնարավորություն կտա որոշ չափով լրացնելու անասնակերի պակասը, ինչպես նաև կնպաստի հանրապետությունում համակցված կերերով կերակրման մշակույթի զարգացմանը։ 30% սուբսիդավորման արդյունքում 1 կգ համակցված կերը տնտեսավարողներին հասանելի կլինի շուրջ 140 դրամով։
Հետաքրքրված տնտեսավարողները կարող են մինչև սեպտեմբերի 5-ը դիմել Դիլիջանի համայնքապետարան (գյուղական բնակավայրերում՝ համապատասխան գյուղապետարաններ:)