| Բովանդակություն * | Հանդիպմանը մասնակցում են \հհ \ոստիկանության Տավուշի մարզային վարչության Դիլիջանի բաժնի աշխատակիցներ Գ.Խաչատրյանը, Ս.Զաքարյանը, Համայնքի ավագանու անդամներ Սուրեն Մելիքյանը, Սահակ Մկրտումյանը, Սուրեն Գրիգորյանը, Արգամ Թամրազյանը, Գառնիկ Դավթյանը, Դավիթ Սարգսյանը, Գևորգ Սողոմոնյանը, Տիգրան Ստեփանյանը, Վարդան Է. Մնացականյանը:
Հանդիպման ընթացքում քննարկվեց համայնքում գողությունների կանխարգելման առաջնահերթ խնդիրներ, մասնավորապես բազմաբնակարան շենքերի մուտքերում դամաֆոններ տեղադրելու, համայնքի և բնակավայրերի մուտքերում և ելքերում տեսանկարահանող սարքեր տեղադրելու, փողոցային լուսավորության ժամերը վերանայելու անհրաժեշտությունը:
Քննարկվեց թափառող շների դեմ պայքարի տարբերակներ, հնչեցին առաջարկություններ, նշված գործընթացը կազմակերպելու համար:
Քննարկվեց նաև համայնքի տարածքում ճանապարհային նշանների տեղադրման և բանուկ փողոցներում տրանսպորտի արագության արհեստական խոչընդոտների տեղադրման հարցերը: Համայնքի ղեկավարը տեղեկացրեց, որ արդեն պայմանավորվածություն է ձեռք բերվել համայնքի տարածքում ճանապարհային նշանների և արհեստական խոչընդոտների տեղադրման հարցում, գործընթացն ընթացքի մեջ է և համայնապետարանի ուշադրության կենտրոնում, բացի այդ առաջիկայում համայնքի փողոցային լուսավորության ցանցը նորացվելու է , խնայողությունների հաշվին կերկարացվի գիշերային լուսավորության աշխատանքի ժամանակը: Համայնքի տարածքում որոշ հատվածներում տեղադրվել են տեսանկարահանող սարքեր, աշխատանքներ կտարվեն դրանց թվի ավելացման ուղղույամբ: Համայնքի ղեկավարը կարևորեց համայնքի տարածքում չնախատեսված վայրերում աղբ թափելու դեմ պայքարը, որի համար խիստ անհրաժեշտ է ոստիկանության հետ համագործակցությունը:
Ոստիկանության աշխատակից Խաչատրյանը պատրաստակամություն հայտնեց համագործակցության, համայնքին վերաբերող ցանկացած հարցերում և կարևորեց համայնքային խորհուրդների կազմում համայնքի ակտիվ բնակչության ընդգրկումը, որն ավելի արդյունավետ կդարձնի պայքարը հանցագործությունների կանխարգելման գործում: |